Contoh Pupuh Ginada

PUPUH GINADA

Kacrita Sang Arjuna                   8a

Solahnyane sane luwih              8i

Bhakti ring Widhi lan Dewa         8a

Urip anggen tatak patut              8u

Sing taen madaya corah            8a

Ida sakti                                    4u

Stata jaya ring payudan              8a

Pitang taun Welandane               8a

Sayaga angga Dujurit                  8i

Pada srenggeping sanjata          8a

Pasliweng kadi dadalu               8u

Ciung wanara pawata                  8a

Asing prapti                               4u

Nangsek gelar wastu pejah         8a

Dauh tiga I kangkala                  8a

Suradadu nika prapti                  8i

Rauh manangsek gelar              8a

Sane pinaka pangenjur              8u

Wilangennya petang dasa          8a

Sragep sami                             4u

Pak Rani nitah manembak          8a

Pasukanne raris nembak            8a

Welande kagiat paling                8i

Tan polih nangkisang raga          8a

Sami ngemasin lampus              8u

Bangkenyane pajelempang        8a

Tur ngewitin                               4u

Matandi ngensilih tembak           8a

Kapatajeg Sang Hyang Surya     8a

Suradadu nika lilih                      8i

Malayu amurang lampah            8a

Ane kauh lilih kantun                  8u

Ne kelod ngaliwat Marga            8a

Ane kangin                                4u

Ring tukad Sungi Pagrayang       8a

Lilihnya malaib rengas                8a

Kadi kidang kaborosin                8i

I Ciung Wanara galak                  8a

Welanda bengah benguh           8u

Pisarat ngelidang jiwa                8a

Glalang gliling                           4u

Takut tur kajengah jengah           8a